Uda Ikastaroa uztailak 12 eta 13an: ORAINDIK GARAIZ GABILTZA

Bizimodu Jasangarriak (Vidas SOStenibles) pairatzen ari garen krisiei (klimatikoa, osasunarena, ekonomiarena, zaintzena…) aurre egiteko proposamen bat dira. Uda Ikastaro honetan, krisi horiei aurre egiteko eta beste eredu sozial eta ekonomiko bat ezartzeko funtsezkoak diren lau ardatz tematiko landuko dira: elikadura, kontsumitzen dugun energia, pertsonen zaintza eta ekonomia. Ikuspegi lokal eta global batetik, horien guztien arteko loturak ikusiko ditugu, inguratzen gaituen mundua aztertuko dugu, dagoeneko martxan dauden aldarrikapenak ezagutuko ditugu, eta ikusiko dugu nola jokatu dezakegun gure eguneroko bizimoduan, gizartea justuagoa eta jasangarriagoa izateko.

Uda Ikastaro hau 2019an egin zen “Estamos a Tiempo, cómo caminar hacia las Vidas SOStenibles” ikastaroaren jarraipen eguneratua eta metodologikoki egokitua da.

Oraingo honetan, Uda Ikastaroa egokitu da goizeko 2 saio egiteko, aurrez aurreko eta online formatuan. Ikastaroa praktikoa izango da nagusiki, eta eztabaida, parte hartze ekitatiboa eta talde lana bultzatuko ditu, erronka kolektibo txiki bat lortzeko.

Informazio gehiago eta izen-ematiak hemen.

ALTERNATIBAK PLAZARA! DOKUMENTALAREN ESTREINALDIA

Gaur egungo bizi-eredua krisian dago eta ez da jasangarria. Baina egoera horri buelta emateko aukerak daude. Baina noski, aukera horiek gauzatzeak aldaketa sozial eta politikoa dakar, baina gure eguneroko bizitzan ere aldaketak egon behar dira.

Euskal Herrian zehar ibili gara alternatiba hurbilak ezagutzeko. Elikadura burujabetza, trantsizio energetikoa, zaintzak edo ekonomia sozial eta solidarioak bizitza-eredu jasangarriagoetara igarotzen laguntzen dute.

Eta badaukagu argi gauza bat! Bizitza eta planeta zaintzen dituen gizarte justuago eta bidezkoago bat eraiki nahi dugu.

https://merkatusoziala.eus/

2020-12-07T14:56:47+01:002020 7 abendua|0 Comments

Alternatiben Lurra: Trantsizio demokratiko eta energetikoaren bidean

Gaurko Alternatiben Lurra trantsizio energetiko eta demokratikoko ekimenek abian jarri dituzten esperientzia batzuk ezagutuko ditugu, hala nola trantsizio energetiko ekofeminista baten aldeko emakumeen sarea (esto igual tiene un nombre ya traducido), Goiener kooperatiba edo Asparrenako udalerria.

Eredu energetikoaren aldaketa beharrezkoa eta premiazkoa da, eta guztiok inplika gaitezke eta ekarpena egin, posible izan dadin.

2020-11-09T15:45:28+01:002020 9 azaroa|0 Comments

Aztertu, Aldarrikatu eta Aritu

aztertuArgitalpen hau bertsio moldatua da, Desazkunde eta Bizitze Ona sareak eginiko honako testuaren bertsio laburrago eta errazagoa:

“Euskal Herritik kolektibotasunean eraikiz: bizi estilo jasangarrietan oinarritutako gizarte justu eta bidezko baten eraikuntzarako analisi eta aldarrikapenak”.

Argitalpen honen helburua da gure bizimodua aldatzeko beharraz hausnartzea. Izan ere, gaur egungo eredua krisian dago, eta ez da jasangarria.

Baina badaude alternatibak egoera aldatzeko; alternatiba horiek gauzatzeko aldaketa soziala eta politikoa behar da, baina baita aldaketa indibiduala ere, eguneroko bizitzatik.

2010ean Desazkundea eta Bizitze Ona izeneko sarea sortu genuen gizarte mugimendu, GGKE, sindikatu eta sare batzuek.

Sarearen helburua honakoa zen: eredu soziala, politikoa eta ekonomikoa eraldatzen laguntzea, ikuspuntu feministatik. Urtero, 2011tik hasita, topaketa eta ekintza desberdin ugari antolatu ditugu esperientziak eta alternatiba desberdinak ezagutzeko, eta lanaz, enpleguaz, zaintzetaz… gogoeta egin dugu, ekologismoaren eta feminismoaren ikuspegitik besteak beste. Horrela, elikadura, zaintza, energia eta ekonomiaren sistemak zalantzan jarri ditugu ere.

Liburu berri honek hori guztia jasotzen du eta “Euskadi Irakurketa Erraza” kolektiboko jendearekin batera burutu dugu. Beraiek ulermen arazoak eta irakurtzeko zailtasunak dituzten jendearentzat (jendartearen %30a dira) era guztietako dokumentuak moldatzen dituzte.

Emaitza, pertsona guztientzako argitalpen atsegin, pedagogiko eta irakurterrez bat da.

Hemen eskuratu dezakezu: Aztertu, aldarrikatu eta aritu

2020-10-02T15:40:39+02:002020 2 urria|0 Comments

Urtebete Guatemalan egon ginetik eta Dokumentala

Badirudi atzo izan zela baina iadanik urtebete igaro da Desazkunde eta Bizitze Ona sareko kideok Guatemalan egon ginenetik.

Egonaldi horretan lurra eta lurraldearen defentsan, herri indigenen eskubideen defentsan eta emakumeen eskubideen defentsan lan egiten duten pertsona eta eragile desberdinekin egon ginen. Esperientziak elkarbanatu eta eraldaketa sozialaren bidean.

Bertan bizitakoa jarraian dagoen ikus-entzunezkoan jasota geratu zen. Gainera, Tantaka Telebistako La Klaketa saioan Guatemalan egon ginen pertsonek eta Guatemalako Sebastiana Par K´iche´defendatzaileak izan genuen solasaldia ikus dezakezu:

 

Tokiko Politika publikoetatik bizimodu jasangarrietarantz

 

tokiko politikak

 

 

Krisi honek zenbait galdera sortu dizkigu, orrialde hauetan jasotzen ditugunak: zeintzuk dira funtsezko lanak, eta gaur egun nola balioesten (gutxiesten) ditugu? Nola bermatu energia- eta elikadura-burujabetza, eragiteko gaitasunik uzten ez diguten urruneko prozesuen mende ez egoteko? Nolakoak dira gure etxebizitzak, konfinatuta egon garen horiek? Nolakoak dira gure auzoak, eta zenbateraino dira bizigarriak gure inguruko lurraldeak?

 

Etorkizun hurbilean, ziurrenik, hemen proposatutako bideetako batzuetatik igaroko dira aldaketak. Gure ustez ezinbestekoa da birlokalizaziora jotzea, eta ondorioz, hurbileko erakunde publikoek protagonismo handiagoa izatea. Ez dakigu aurrerantzean zer gertatuko den, baina esan dezakegu COVID-19aren osteko urgentziak ez dituela zapaldu gida honetako edukiak; aitzitik, egoerak indartu egin ditu. Izan ere, eta hori posible bada, proposamen hauek are premia handiagoa dutela ikusi dugu.

2020-10-02T15:44:32+02:002020 2 ekaina|0 Comments

Ekonomia soziala eta solidarioa: alternativa al mercado convencional

Gaurko programan, REASeko Merkatu Sozialaren Azokara hurbildu gara, ekonomia sozial eta solidarioaren egoera ezagutzeko. Bertan, ekonomia sozial eta solidariotik ondasunen eta zerbitzuen ekoizpenean, banaketan eta kontsumoan lan egiten duten enpresa eta elkarteekin egin dugu topo, kontsumitzaileekin batera.

Ekimen ekonomiko solidarioak errealitate bideragarriak dira, merkatu konbentzionalaren alternatibak ekoizteko, banatzeko eta kontsumitzeko moduetan, eta adibide gisa Fiare, Peñascal Fundazioarekin eta Reciclanetekin hitz egin dugu.

2020-10-02T15:47:24+02:002020 2 martxoa|0 Comments

MapaSaretuz gida berriaren argitalpena

Saretuzek, Donostian kontsumo kontziente eta arduratsua bultzatu nahi duen sareak, Tabakaleran kokatua dagoen Impact Hub-en, Donostian kontsumo arduratsu, kontziente, iraunkor eta eraldatzailea bultzatzen duten aukera ezberdinak biltzen dituen gida aurkeztu berri du.

Bertan Lucía Peña Armijo (Saretuzeko koordinatzailea), Mikel Díez ( GFA-ko Nazioareko Kooperazio Zuzendaria Nagusia), Sheila Padrones (Emaus Gizarte Fundazioa), Juanjo Ucar (Gabiltza, Gipuzkoako Artisauen Elkartea), Jokin Aizpurua (Izarbide, supermerkatu ekologikoak) eta gidaren portadaren ilustratzailea, Iñaki Martiarena “Mattin”, izan ziren.

Gida Saretuz Mapa osatzen duten komertzio eta elkarteetan, saretuz.eus webgunean, kultur etxe eta liburutegitan eta sarearen egoitzan eskuratu daiteke, Tabakalerako Impact Hub-ean.

Hemen ere duzue eskuragarri: MAPASARETUZ_EUS

Eta sarean beti Saretuz Mapa beti eguneratuta hemen: https://saretuz.eus/

Zaintzak; erdigunean jartzeko alternatibak

Gaurko Alternatiben Lurra programan zainketen arloko egoera eta martxan jartzen ari diren proposamen alternatiboetako batzuk jorratuko ditugu. Horretarako, Euskal Herriko hainbat lekutara hurbildu gara. Gasteizen hasiko gara, “Etxeko eta zaintzako langileen topaketan”. Ondoren, REAS Euskadiko Merkatu Sozialaren Azoka bisitatuko dugu, bertan Gizarte Zerbitzu Integratuen Taldearekin egon gara, eta, azkenik, Barakaldora joango gara ezkerraldeko udalerri horretako Denboraren Bankua bisitatzera.

2020-10-02T15:49:21+02:002020 2 urtarrila|0 Comments
Go to Top