TIPI TAPA bagoaz

Oparitu nahi duzu? Denbora oparitu

Fotograma del corto EXinneCESariOS, participante en la campaña #VolteaLaNavidad

Abendua urrunean agertzen da, egutegian, eta gehiegizko erosketak ere, premiazkoak ez ditugulako asteetan ulertzen. Abendua daukagu gainean, eta murgilduta gaude: Batetik, beltz deitzen duten ostiralarekin, eta bestetik, cyber astelehenaren promozio onartezinekin. Gabonetako kanpaina dator, eta honekin, azkar azkar kolapsatzen diren zaborrontziak, hamaika plastiko poltsak, tiketak, opari paperak… Abendua hiperkontsumismoaren hilabetea da, urtarrilaren beherapen klasikoetaz zuzen-zuzen jarraitua, jendea bere poltsikotan arakatzen jarraitzen dute, normalean beharrezkoak ez diren gauzetan gastatzeko irrikan.

Ingurumena kolapsatzen ari den garaian, kutxa egiten jarraitzeko lurraren eta bizitzaren mugak gainditzen dituen sistema ekonomiko baten ondorioz, kontsumoaren oinarria hausnartzea premiazkoa da. Justizia-kontua da. Guztiari prezioa jartzen dion kapitalismo honen alternatiben bila ibiltzeak orokorki urritzea dakar, gutxiago kontsumitzea, berrerabiltzea, trukatzea eta beste opari motak egitea. Zergatik ez dugu denbora oparitzen?

Gelditzen ez den mundu kaotiko honen aurrean, non ez dugun ia tarterik besarkada bat emateko, momentutxu bat gelditzea eta daukagun denbora beste era batera erabiltzea erresistentzia modu bat da.

Gabonetarako opari bat egin nahi duzu? Denbora opari aparta eta iraultzailea izan daiteke. Paregabea. Errepikaezina.

Guk planto egiten dugu. Aski da gehiegikeriekin, bizitzeko modu desberdinak suntsitu eta inpaktu negatiboak sortzen dituztenak. Aski da gure harreman pertsonaletan materialak diren gauzen inposaketari. Aski da merkataritza afektua erakusteko modu bakarra izateari. Arreta jarri, denbora oparitu.

19ko Ekintza
“TipiTapa Bagoaz: Bizitza Iraunkorrietarantz” sozializazio eta komunikazio kanpainak Gabon desberdin baten alde egiten du, behintzat ez hain kontsumista. Horregatik Bilboko kaleetara aterako da abenduaren 19an, osteguna, herritarrei gogorarazteko badagoela beste modu bat data hauek planteatzeko, gero eta gehiago kontsumo konpultsiboari loturik daudenak.

‘Kontsumismoaren aurrean planto” ekintzara gonbidatzen zaituztegu

Non: Don Diego Lopez de Haro Etorbidea, 7-9, Bilbo.
Kale Nagusiko El Corte Ingleseko ondoko espaloian.

Noiz: Abenduaren 19an
11etan

Desazkunde eta Ongizatearen sarea gizarte mugimenduetatik, GGKE-tatik, sareetatik eta sindikatuetatik etorritako erakunde talde batek osatzen du, eta egungo garapen ereduari alternatibak bilatzeko lanean dihardu, bizitza eta planetaren ardura erdigunean jarriz. Kanpainaren ardatzak desazkundea eta ongizatea begirada feminista batekin bizitzea dira. Sare honetatik aldaketetan inplikatu behar garela uste dugu, eta, horregatik, urtarrilaren 30eko greba orokorrean parte hartzeko deialdia egiten dugu. Greba honek, besteak beste, kontsumo-ereduari buruz hausnartzera eta kontsumo-greba egitera gonbidatzen gaitu.

2019-12-17T11:24:07+01:002019 16 abendua|Tags: |0 Comments

Guatemala: errealitatea, borrokak eta alternatibak

Pasa den uztailean Euskal Herriko elkarte sozial desberdinetako ekintzaile talde bat Guatemalan izan zen bertako zenbait elkarte eta kolektiborekin bizitzaren jasangarritasunaren inguruan esperientzia trukaketa bat izateko. Egonaldi horretan lurra eta lurraldearen defentsan, herri indigenen eskubideen defentsan eta emakumeen eskubideen defentsan lan egiten duten pertsona eta eragile desberdinekin egon ziren. Hori guztia emango dugun dokumental txiki batean jaso zen eta ondoren bidai horretan parte hartu zuten pertsonekin eta gonbidatu berezi batekin hitz egiteko aukera izango dugu; Guatemalako K´iche´ herriko Sebastiana Par da eta berak azalduko digu zein den momentu honetan herrialde horretako egoera: setio-egoera, enpresa transnazionalen jarduna eta komunitateetan guztiak duen egoera.

Hitzegingo dugunaren aurrerapen bat egin ziguten elkarrizketa honetan entzun dezakezue (12.minutua): https://www.eitb.tv/es/radio/radio-euskadi/la-casa-de-la-palabra/5769457/6650843/anillamiento-de-aves-en-izaro-guatemala-tanzania/

EHU-ko ikastaroaren laburpen dokumentua

Asko izan zen ikastaroak iraun zuen 3 egunetan ikasi, elkarbanatu eta bizi genuena, beraz uste dugu garrantzitsua zela guzti hori jasotzea Bizitza Jasangarrien bide honetan jarraitu ahal izateko…Bide horretan ikusiko dugu elkar!

Dokumentua hemen duzue:

Laburpena_GaraizGaude

2019-10-07T17:34:37+02:002019 7 urria|Tags: , , |0 Comments

“Garaiz babiltza” EHUko udako ikastaroetan

Aztertu, aldarrikatu eta ekin. Logika hori jarraitu genuen uztaila bukaeran Donostiako Miramar jauregian ospatu genuen ikastaroan, EHUko Udako Ikastaroaren programazioaren barnean.

Inguratzen gaituen kontestua aztertu, beste eredu batzuk aldarrikatu eta bizitza jasangarriago batzuk lortzeko nola ekin behar dugun ikasi genuen denon artean. Feminismos Desazkunde, Bizilur eta Mugarik Gabeko Ingenieritzako lagunak izan ziren ikastaroa osatu zuten hiru tailerren dinamizatzaileak.

Eskerrak eman nahi dizkiegu ikastaroan parte hartu zuten pertsonei eta baita antolakuntzari ere erraztasun guztiak emateagatik. Laster aterako dugu argitalpen txiki bat bertan landutako guztiareki, bitartean hemen dituzue zenbait argazki.

2019-11-11T18:56:31+01:002019 14 abuztua|Tags: , |0 Comments

Guatemalako #TIPITAPAbagoaz bidaiaren kronika

Jarraian Guatemalako bidaiaren kontakizuna eta argazkiak erakusten dizkizuegu. Asko ikasi dugu ezagutu ditugun borroka, alternatiba, elkarte eta komuniteei esker.

(gehiago…)

2019-09-11T13:08:56+02:002019 10 uztaila|Tags: , , |0 Comments